Prishtinë, 20 dhjetor, NOA - Lëvizja Vetëvendosje ka deklaruar sot se vendimi i KQZ-së për të rinumëruar votat vetëm në 40 për qind të vendvotimeve është i padrejtë.
Sipas Vetëvendosjes zgjedhjet e 12 dhjetorit “nuk ishin as demokratike e as të ndershme dhe rezultatet kanë qenë të bazuara në një mashtrim gjithëpërfshirës, sistematik dhe të organizuar”.
Vetëvendosjes deklaroi se në vend se të iniciohet një hetim mbi votimin e shumëfishtë dhe mbushjen e kutive me vota të parapërgatitura, KQZ-ja po e legjitimon krimin duke e bërë rinumërimin e pjesshëm .
"Ky vendim, si dhe vendimi që të mbahen ri-zgjedhje në vetëm 5 komuna të Kosovës është i pjesshëm, me qëllim që të mbulohen dhe legjitimohen manipulimet në pjesë të tjera të Kosovës", thuhet në reagimin e Vetëvendosjes.
a.k/NOA
