Tiranë, 21 dhjetor, NOA – Ndërkohë që me refuzimin nga mazhoranca të kërkesës së Partisë Socialiste për hetimin e zgjedhjeve të 28 qershorit, është tashmë më larg se kurrë zgjidhja e krizës poltike përmes një kompromisi pozitë-opozitë, të kërkuar edhe nga BE e Shtetet e Bashkuara të Amerikës, kryediplomati Edmond Haxhinasto deklaroi në një intervistë për BBC-në kompromiset arrihen kur ekziston dëshira për zgjidhje krizash dhe kur përmes kompromisit nuk shkelet kushtetuta e vendit dhe institucionet. Ministri i Jashtëm ka shprehur edhe vlerësimet e tij për lëvizjen e lirë të shqiptarëve në zonën Shengen, duke theksuar se shqiptarët tashmë kanë prekur Evropën e ëndërruar pas izolimit të tejskajshëm pa patur nevojë për një vizë, andaj u shpreh ai për BBC-në vendimi i liberalizimit të vizave me BE-në është një ngjarje historike. I pyetur për këtë proces, haxhinasto ka informuar se që në ditët e para të tij lëvizja e lirë është administruar në mënyrë qytetare nga shqiptarët. Gjatë intervistës ministri Haxhinasto u pyet nga gazetari i BBC-së ndër të tjera edhe për raportin e Dick martyt ku akuzohet kryeministri i Kosovës Hashim Thaçi si trafikant organesh njerëzore, akuza për të cilat ministri i jashtëm haxhinasto u shpreh se një raport i tillë pa fakte i bën dëm besueshmërisë së eurodeputeti Marty hartuesit të vet raportit.
Më tej mund të lexoni intervistën e plotë të ministrit të Punëve të Jashtme Edmond Haxhinasto dhënë BBC-së.
Gazetari : Zoti Ministër një vlerësim tuajin për heqjen e vizave për shqiptarët :
Ministri : Është një ngjarje historike për shqiptarët, pasi ka qënë populli më i izoluar i rajonit dhe tashmë ka një mundësi të madhe për të lëvizur në mënyre dinjitoze në hapësirën shengen. Mendoj se ka prekur një copë Evrope dhe do të dijë ta administrojë me dinjitet këtë zhvillim që siç e thashë është historik .
Gazetari : Ka pasur ndonje bilanc për këto dy – tre ditët e para, cili është ai, a ka pasur ndonjë problem.
Ministri : Deri më tani gjithçka ka shkuar normalisht , ka pasur disa kthime të vogla në kufi për aryse se njerëzit kanë pasur nevojë të kenë me vete edhe siguracionin përkatës shëndetesor , gje që si duket personat që kanë udhëtuar kanë harruar ta marrin me vete ose nuk e kanë ditur se duhet ta marrin.
Gazetari : A flet kjo se autoritetet shqiptare, autoritetet kompetente është dashur ta shikonin edhe këtë zoti Ministër?
Ministri: Kjo ka qënë e parashikuar dhe ka qënë pjesë e paketës informative që i është dhënë në mënyrë shumë intensive publikut shqiptar, por mendoj që si përqindje në krahasim me lëvizjen që është realizuar është një përqindje shumë e vogël.
Gazetari : Karshi vleresimeve qe i betë ju, por edhe autoritetet e tjera zyrtare, zoti Haxhinasto flisni pak me shumë për efektet konkrete të këtij hapi.
Ministri : Mendoj se efektet janë shumë planëshe janë shumë të rëndësishme duke filluar nga ai fakt që është një mur psikologjik që rrëzohet tashmë, shqiptarët e izoluar të para dy dekadave tani kanë mundësi të lëvizin të lirë në hapesirën shengen, ështe një mundësi gjithashtu për të njohur më mirë Evropën, këtë komunitet vendesh kulturash, pjesë e të cilit do të bëhet edhe Shqipëria në të ardhmen e afërt. Është një mundësi për zhvillimin e biznesit, që investitoret shqiptarë të shkojnë në hapësirën evropiane të shikojnë mundësitë dhe të intensifikojnë marrëdhëniet e tyre. Është gjithashtu një mundësi për studentët të shikojnë mundësi të reja për arsimin e tyre në shkollat më të mira evropiane por sigurisht për të studiuar atje më pas për të qëndruar në vendet ku ata do të shkojnë, do t’u duhet të respekojnë një procedurë tjetër të marrjes së lejes së qëndrimit , që është procedura për viza studimi, pra në shumë plane ky është një zhvillim i jashtëzakonshëm për Shqipërinë dhe për shqiptarët, është një mundësi e madhe dhe mendoj se ështe një hap shumë i rëndësishëm në procesin e integrimit të tyre ne Bashkimin Evropian.
Gazetari : Megjithatë kur është fjala për Bashkimin Evropian , Brukseli zyrtar ka shprehur shqetësimin e vet për mundësinë e abuzimit të kësaj të drejte ndaj Komisionit Evropian, ka kërkuar se synon të parandalojë keqpërdorimin e procedurave të kërkimit të strehimit. Zoti ministër dua t’ju pyes më konkretisht, a mund të përsëritet rasti i Maqedonisë dhe Serbisë kur shtetas të tyre tentuan të qëndrojnë edhe më shumë se 90 ditët e lejuara nëpër vendet e caktuara?
Ministri : Unë kam besim se kjo që ka ndodhur me vendet e tjera nuk do të përsëritet me Shqipërinë, mendoj se ajo ka qënë edhe një çështje informacioni, ky element informativ i ështe berë i ditur publikut shqiptar , ata kanë një ndjeshmëri të madhe për ta respektuar maksimalisht kohën e qëndrimit në vendet shengen, mendoj se nuk do te kemi një përsëritje të fenomeneve që ndodhen me vendet e tjera me Serbinë apo me Maqedoninë.
Gazetari : Pavarësisht kësaj cili do të ishte apeli juaj për të gjithë shqiptarët për ata që në këto momente po dëgjojne këtë bashkëbisedim në programin Zigzag të BBC?
Ministri : Shqiptaret jam i bindur që do të dinë ta administrojnë më shumë dinjitet dhe me shume përgjegjesi këtë mundësi të madhe historike që ata kanë, për të lëvizur pa viza ne hapësirën shengen dhe jam i bindur se ata do të kuptojnë dhe e kane kuptuar që të qënurit evropianë është jo vetëm një e drejtë e tyre pasi ata i përkasin Evropës, por ështe githashtu edhe një detyrim për të respektuar rregullat që ekzistojnë në të gjithë hapësirën evropiane.
Gazetari : Maxhoranca në Tiranë heqjen e vizave e quan si një arritje historike, ndërkohë opozita pretendon se kjo nuk ështe arritje e qeverisë , si i përgjigjeni opozitës?
Ministri : Ky zhvillim është një ngjarje historike për shqiptarët dhe nuk ka qenë aspak një dhuratë, ka qenë një arritje, dhe si për cdo arritje ka nevojë për kontribute, në rastin konkret ka pasur nevojë për të arritur disa rezultatet shumë të qarta duke filluar me pajisjen me pasaporta biometrike, po kështu me kontrollin e integruar të kufijve, me rezultate të prekshme në luftën kundër krimit dhe korrupsionit. Të gjitha këto arritje janë monitoruar në mënyre shumë të kujdesshme nga ana e Komisonit Evropian dhe në përfundim të këtij vleresimi është marrë vendimi që Shqipëria i ka arritur të gjitha këto standarte, për të marrë këtë rregjim të ri lëvizje me Bashkimin Evropian. Pra ka qënë e domosdoshme një performancë shumë e qartë, shume konkrete dhe kjo është arritur. I ka takuar kësaj qeverie ta realizojë këtë, kjo është një gjë shumë e mirë kjo duhet të gezojë cdo individ dhe cdo forcë politike. Por më shumë se të merret më konkretisht me këtë çështje mendoj se opozita duhet të shikojë mundesinë që edhe në vijimësi , të kontribuojë për integrimin e shqiptarëve sa më shpejt në Bashkimin Evropian dhe mos të bëhet një faktor destruktiv dhe bllokues”
Gazetari : Sipas opozitës, një arritje tjetër duhej të ishte marrja e statusit të vendit kandidat per në Bashkimin Evropian gjë që nuk ndodhi.
Ministri : Edhe kjo eshte nje arritje, është shumë e qartë që statusi i vendit kandidat është një proces krejt ndryshe nga ai i marrjes së vizave, ai I vizave ështe thellesisht teknik, pra një arritje konkrete per ceshtje konkrete, ndersa për marrjen e statusit te vendit kandidat faktori politik është ai që mban peshën specifike më te madhe, dhe politika nuk eshte ceshtje e vullnetit te nje force apo të pak forcave politike, ajo është cështje e angazhimit dhe vullnetit politik te te gjitha forcave politike, kryesisht atyre parlamentare.
Gazetari : Megjithashtë zoti Haxhinasto ka vleresime sipas të cilave i takon maxhorancës të bëjë hapin e parë ta zëmë për kapërcimin e asaj që emertohet si ngërc apo si krize politike.
Ministri : Ka vlerësime të tilla por keto vleresime vijnë nga ata që ja lene ceshtjen e zgjidhjes së ketij ngerci politik, vullneteve politike, ndërkohë që Shqipëria ështe një vend demokratik, është nje vend me insitucione të konsoliduara, me nje kushtetute moderne te certifikuar nga Keshilli i Evropes, eshte nje vend me nje korpus ligjor që afrohet perdite e me shume me atë evropian, është një vend qe e ka të ndarë pushtetin legjislativ nga ai politik dhe sigurisht që garanton te gjithe hapesiren e mundeshme për një force politike që konteston ceshtje te caktuara edhe per zhvillimin e zgjedhjeve, per tu drejtuar ketyre organeve gjyqesore per te zgjidhur pretendimet dhe çeshtjet që kane, ne rastin kur nuk arrijne te kete nje marreveshje politike me maxhorancen. Pra kur flasim per iniciative nga njera ose tjetra pale, kjo aplikohet edhe ne rastet kur kemi mundesi per ta zgjidhur ceshtjen politikisht, ne rastin konkret zgjidhja ka qenë plotesisht e mundshme, ne qofte se do te ndiqnin një rruge tjeter, që do te ishte rruga e ligjit rruga e gjykatave, por sigurisht nje rruge e tille nuk do te kishte krijuar ate visibilitet public, mediatik që arriti te krijojë opozita me pretendimet e saj.
Gazetari : Nje rruge tjeter qe e permendin diplomatet perendimore ështe ajo e kompromisit, ka gjasa te arrihet kompromis mes dy paleve zoti Haxhinasto?
Ministri : Çdo kompromis mund te arrihet kur ka deshire per kompromis dhe kur kompromisi nuk shkel ligjet e vendit, per sa kohe nuk ka hapesire qe te ushtrohen vullnetet politike jemi plotesisht dakord qe kjo te ndodhe dhe e mirepresim, por asnje kompromis nuk mund te shkel ligjet e vendit ,kushtetuten e vendit, ate qe eshte tashme nje detyrim per te gjitha palet dhe perben nje rregull loje. Demokracia funksionin me ligje dhe ligjet jane pushteti absolut.
Gazetari : Besoj se si maxhorancë jeni e vetedijshme se me këtë zvarritje shpejtesie te afrimit te vendit me Bashkimin Evropian.
Ministri : Jo nuk jam aspak i ketij mendimi, mendoj se adoptimi i nje perqasjeje ligjore, respektimi I ligjeve dhe kushtetues se vendit na sjell me afer Bashkimit Evropian. BE funksionon ne baze te ligjeve dhe rregullave te qarta per cdo veprim apo per zgjidhjen e cdo debati dhe mosmarreveshje.
Gazetari : Dakord kalojme tani ne nje ceshtje tjeter . Kete program BBC e realizon pas nje takimi rajonal ne Shkup ku keni asistuar edhe ju si shef I diplomacisë shqiptare, zoti Haxhinasto. Si e vleresoni klimën e bashkepunimit ne rajonin e Ballkanit te thuash 15 vjet të dalë nga konflikti i armatosur.
Ministri : Mendoj se ka nje zhvillim jashtezakonisht shume pozitiv ne te gjitha vendet e rajonit, 15 vjet me pare që i referoheni ju ka qënë ndoshta e paimagjinueshme që Shqipëria të ishte anëtar i NATO-s, po ashtu edhe Kroacia ne ate kohe ishte gjendje lufte, po keshtu ishte dhe Mali I zi, Maqedonia, Bosnja dhe Hercegovina, por dhe Kosova. Keto zhvillime jane shume te rendesishme. Jane zhvillime qe tregojne se rajoni e ka kapercyer fazen që konsumonte stabilitet, konsumonte siguri qe ofrohej nga NATO dhe BE, por tashme ai arrin dhe vete te prodhoje paqe dhe stabilitet sic eshte rasti I angazhimit me Afganistanin. Mendoj se kjo është nje arritje historike, mendoj se kjo tregon që rajoni eshte në rrugën e duhur dhe permiresimi i indikatoreve të paqes dhe të stabilitetit, por dhe të zhvillimit, pasi zhvillimi eshte thellesisht i lidhur me stabilitetin, është ne rrugen e duhur.
Gazetari : Megjithate zoti Haxhinastio fakti qe homologu juaj serb nuk asistoi ne takimin qe u organizua ne Shkup pikerisht per shkak te pranimit te ushtrueses se detyres se ministres se jashtme te Kosoves ne kete takim sikur le të kuptohet se ballkani vazhdon te perballet me problemet ose pasojat e problemeve të së kaluares.
Ministri : Mendoj se nuk eshte Ballkani, jane vende te caktuara te Ballkanit, ne rastin konkret Serbia. Unë sinqerisht uroj që në Beograd të ketë një reflektim dhe nje aplikim te një përqasje të re përsa i takon njohjes se realiteteve ne Kosovë dhe në rajon në përgjithësi, në kuptim të asaj që procesi i integrimit te rajonit në NATO dhe në BE eshte i pakthyeshem, nje njohje te realitetit ne Kosove dhe te faktit qe pavaresia eshte gjithashtu nje realitet i pakthyeshem. Jam I bindur se sa me shpejt qe te behet ky reflektim aq me shume do te kontribuoje edhe Serbia per te rritur shpejtesine e proceseve integruese te rajonit dhe te vendeve te rajonit midis tyre dhe më pas të të gjithe rajonit ne BE.
Gazetari : Jeni nje njohes i mire i zhvillimeve te dy tre dhjetevjecareve te fundit ne Ballkan zoti Minister, cila eshte perspektiva e marredhnieve te shqiptareve dhe te serbeve gjithnje duke marre parasysh çeshtjen e Kosoves sidomos duke marre parasysh qe Prishtina dhe Beogradi zyrtar kane qendrime katerciperisht te kunderta.
Ministri : Une mendoj se marredheniet shqiptaro serbe jane trajtuar ne vazhdimesi nga politika e jashtme e Shqiperise si te rendsishme edhe per vete konteksin rajonal, si nje marredhenie qe ka rezatimin e saj ne krijimin e klimes se pergjithshme te rajonit, nqs doni edhe per menyren dhe klimen se si trajtohet ceshtja e Kosoves. Një zgjedhje e tille është bërë, eshte e vertete ka thuajse nje dekade qe eshte bere dhe politika e jashtme e Shqiperise e ka adoptuar këtë përzgjedhje duke pasur nje efekt shume pozitiv pikerisht pra ne klimen qe ekziston sot ne Ballkan. Mendoj se Kosova eshte nje çeshtje ku ne i ndryshojme qendrimet, por gjithashtu jemi perpjekur qe edhe partnereve serbe tja bejme te qarte se procesi I pamvaresimit eshte i pákthyeshem dhe njohja e realiteteve ne Kosove nga ana e tyre eshte nje kontribut qe ata I bejne vete Serbise, pasi ajo aktualisht ka angazhuar fuqi te medha diplomatike per ta bllokuar procesin e pamvaresimit, resurse te cilat mund te perdoreshin ne menyre shume efektive per te pershpejtuar integrimit e vete Serbise qofte ne strukturat e sigurise , qofte ne BE. Pra kemi rënë dakord të mos biem dakord per ceshtjen e Kosoves, por kjo nuk na pengon te zhvillojme marredhneie dypaleshe mjaft te mira, une kam kenaqesine tju informoj qe ne fillim te vitit te ardhshem Presidenti Tadiç do te vizitoje Tiranen dhe sigurisht qe kjo fryme e re marredheniesh do te vazhdoje edhe ne te ardhmen duke kontrinuar drejteperdrejte ne krijimin e besimit dhe ne pershpejtimin e proceseve te integrimit te rajonit mes vetes dhe te rajonit me bashkimin evropian.
Gazetari : Ky eshte parashikimi i shefit te diplomacise shqiptare persa i perket fatit të bisedimeve te paralajmeruara, pra sikunder thuhet per çeshtje teknike mes pales kosovare dhe asa serbe, do te mund te pershihet ketu edhe ajo qe emertohet si ndarje e Kosoves?
Ministri : Mendoj qe eshte nje teze jashtezakonisht shume arkaike , ceshtja e ndarjes apo e shikimit te territoreve, eshte nje teze e cila eshte krejtesisht ne kundershtim me frymen e pergjithshme qe dominion rajonin, me frymen e integrimit te tij ne Bashkimin Evropian, është një tezë krejtesisht në kundershtim me filozofine evropiane, ku territoret etnikisht te pastra nuk funksionojnë dhe kanë qenë nje deshtim i atyre qe jane perpjekur t’i krijojne. Pra ajo që është e rendesishme eshte qe keto negociata, ose keto bisedime do te kene sukses per sa kohe ato do te fokusohen ne çeshtje vertet teknike, ceshtje qe jane ne interesin e te dyja paleve dhe qe ndikojne ne permiresimin e jetes se te dy paleve, ne qofte se do te kete perpjekje gjate negociatave apo nepermjet negociatave te trajtohen ceshtje tashme te mbyllura, siç eshte ceshtja e statusit te Kosoves, mendoj se do te jete nje gabim shume i madh dhe do te jete nje zgjedhje jo produktive, per te arritur ate qe thashe zgjidhje konkrete që sjellin permiresimin e jetes se qytetareve në të dyja anët e kufirit. Gazetari : Dhe nje vleresim i juaji ne lidhje me marredheniet me Greqine, zoti Minister, aty ketu kryesisht nga rradhet e opozites, ka pasur kritika ne adrese te qeverise shqiptare per ate që emertohet si pozite inferiore e politikes se Tiranes zyrtare karshi Athines zyrtare, përmendet nje marreveshje për percaktimin e vijes kufitare ujore detare, pastaj çështja çame, si i vleresoni keto kritika dhe në pergjithsesi marredheniet shqiptaro-greke?
Ministri : Marredheniet shqiptaro greke jane marredhenie partneriteti strategjik, Greqia është nje vend partner në NATO, eshte një vend anëtar i Bashkimit Evropian. Unë perfitoj nga rasti per të falenderuar drejtuesit e qeverise aktuale greke dhe për axhenden 2014 që ka synuar dhe synon qe rajoni te futet si një i tërë në Bashkimin Evropian deri ne vitin 2014, që është edhe 100 vjetori i fillimit të luftës së parë ballkanike. Ne nivelin dypalesh Greqia eshte partneri yne i dyte me i rëndësishëm ekonomik, investitor i rëndësishëm në Shqipëri, na bashkojne komunitetet, në Greqi ekziston nje komunitet i madh shqiptar, gati 1 milion shqiptare jetojnë atje. Kohët e fundit ka pasur zhvillime shume pozitive përsa i takon dhënies së shtetesisë greke, dhe sigurisht dhe të drejtës për të marrë pjesë në zgjedhjet e përgjithshme atje, pra për t’u angazhuar tërësisht në jetën politike greke. Mendoj se ato që pretendojnë dhe perpiqen te percaktojne keto marredhenie, si percaktimet qe permendet ju, pozita inferioriteti, e keshtu me rradhe, jane shume keqdashese dhe ajo që eshte me e rendesishmja jane krejtesisht jashte realitetit . Realiteti I marredhneieve eshte krejtesisht i ndryshem , ka nje partneritet shume te qarte me Greqine, parneritet i cili po forcohet cdo dite për te trajtuar çështje që janë të rëndësishme në marredhneiet midis dy vendeve, ceshtje qe duhen te zgjidhen sic eshte dhe ajo e shelfit kontinetal, por qe ka nje llogjike te caktuar se si behen marreveshjet midis shteteve dhe Republika e Shqiperise ka te gjithe mundesine e legjislacionin te saj, që marreveshjet t’i realizoje në mënyrë kushtetuese dhe ç’është më e rendesishmja t’i realizoje në përputhje të plotë me interesat kombëtare. Gazetari: Zoti minister ka çështje për të cilat me Athinen zyrtare mbani qendrime te ndryshme? Kosova gjithesesi është e para.
Ministri : Une mendoj se Athina zyrtare vertet nuk e ka njohur pavaresinë e Kosoves , por veprimet e saj konkrete kane qene pozitive ne drejtim të njohjes faktike të realitetit në Kosovë, ketu e kam fjalen psh per njohjen e pasaportave të Republikes së Kosovës që është një gjë shumë e rëndësishme. Por sigurisht procesi i njohjes së pavarësisë është një zgjedhje sovrane e secilit vend, ne nuk mund të imponohemi per qëndrime të caktuara, por unë dalloj një perspektivë të qartë pikërisht të njohjes së këtyre realiteteve dhe aq më shumë që këto realitete njihen duke pasur një sjellje dashamirese ndaj shtetit të ri të Kosovës. Gazetari: Zoti Haxhinasto, paralelisht me intesifikimine përpjekjeve për integrimin e plotë të rajonit në BE aty këtu duket se ka dhe inisinuati të tjera. Po përmendim një rast të takimit të presidentevë të rajonit të realizuar në Prishtinë por edhe në Vlorë ku sipas të cilëve ballkani duhet të krijojë një minizonë të Shengenit, diçka e përafërt përmendet edhe krijimi I një organizmi shtetëror si është Beneluksi Ballkanik. Janë tepër optimiste këto nismë për ju?
Ministri : Në të gjitha këto nisma ajo që është më pozitive mendoj unë, është krijimi i një zone të lirë ekonomike. Një zone ku shkrihen dhe eliminohen krejtësisht kufijtë. Aty ku hiqen të gjitha ato që ne I quajmë barriera jo fizike. Janë cështje tarifash, çështje rregullash të caktuara të lëvizjes nga njëri tek tjetri.
Në vlerësimin tim përfundimtar, inisiativa të tilla janë të mirëpritura për sa kohë ato sjellin një integrim më të madh të vendeve të rajonit, sjellin një zgjerimit të tregut dhe I kualifikojne ata që të jenë më pranë njëri- tjetrit dhe më të gatshëm për të qënë pranë Evropës së Bashkuar.
Pyetje nga student: Zoti ministër, pse shqiptarët duhet të festojnë për liberalizimin e vizave e kur vendi ynë nuk gëzon statusin e vendit kandidat për BE?
Ministri : Sepse lëvizja e lirë është një arritje e prekshme, një arritje shumë e madhe për shqiptarët. Marrja e statusit kandidat është një hallkë e rëndësishme në procesin e integrimit të shqiptarëve, që kërkon angazhim të të gjithë qytetarëve, por jo vetëm. Statusi kërkon angazhim të të gjitha forcave politike. Është një aksion kombëtar për tu realizuar. Lidhur me lëvizjen pa viza drejt hapësirës shengen, gëzojme dhe e vlerësojme pasi, sic e thashë edhe më lart, kemi shembur një mur psikologjik, një paragjykim. Tashmë jemi pjesë reale e Evropës.
Pyetje nga student: Zoti ministër, disa nga të afërmit e shqiptarëve janë pa dokumentacion të rregullt dhe vetë individët që duan të udhëtojnë drejt të afërmve të tyre hezitojnë të japin adresat e sakta nga frika e kthimit drejt shqipërisë të të afërmve. Në këtë rast si do të procedohet nga individët shqiptar në këtë periudhë që është dhe liberalizimi i vizave? Ministri : Nuk është një pyetje për mua. Unë sigurisht uroj që ata që janë pa dokumenta në vende të ndryshme të hapësirës Shengen, të marrin dokumentacionin përkatës dhe gjithashtu uroj që shqiptarët të tregohen dinjitoz, të mos gënjejnë por të krijojnë mundësinë që në vendet ku ata do të shkojnë të mbërrijnë si qytetar evropianë.
Shqipëria në këto dy dekada ka bërë një progres të jashtëzakonshëm. Duke filluar që nga demokracia, të drejtat e njeriut dhe vazhsuar në ekonomi ku kemi një rritje të vazhdueshme. Këtë vit ka një pritshmëri prej 5.5%. Gjithashtu Shqipëria po rrit eksportet e saj jo vetëm në rajon, por edhe në vendet evropiane. Infrastruktura e saj do të bëhet shumë moderne. Ne po ndërtojmë të gjithë ato segmente të rrjetit rajonal të infrastructures. Por shqipëria ka nje arritje të jashtëzakonshme, ajo është bërë anëtare e NATO-s. Ka rritur në mënyrë të dukshme kontributet e saj për paqen dhe sigurinë. Pjesemarrje e saj në misione të ndryshme si në Afganistan dhe Irak, por dhe në vende të tjera është shumë e vlerësuar nga partnerët tanë ndërkombëtar që na kanë ndihmuar në gjithë këtë periudhë, I referohem dy dekadave të fundit.
Pyetje nga gazetari: Megjithatë zoti Ministër, edhe në raportet e organizmave prestigjioz ndërkombëtarë përmendet korrupsioni, varfëria dhe nevoja që të luftohen këto?
Ministri : Këto raporte janë të tilla për të gjithë vendet e botës. Të gjithë vendet e botës duhet të korrigjojnë dhe të zgjidhin probleme që ata kanë, por rëndësi ka të shihet dinamika. Ka një progres të jashtëzakonshëm në luftën kundër korrupsionit. Mund të them që Shqipëria është renditur pozitivisht në raportin e TI . Konkretisht lufta kundër korrupsionit ose aplikimi I metodave elektronike në prokurimin publik ka sjellë një ulje të kostos, duke u ulur me 18 përqind. Edhe liberalizimi I vizave erdhi si pasojë e rezultateve të prekshme në luftën kundër korrupsionit dhe krimit të organizuar. Shikoni ç’farë ndodh me të ardhurat në Shqipëri. Janë dyfishuar të ardhurat në këtë dekadë dhe sigurisht shikoni se cfarë është bërë me investimet publike. Të gjitha këto janë realitete që duhet ti njohim.
Pyetje nga një qytetar Kosovar: Kosova ka mbetur në errësirë. Kush duhet të jap llogari për këtë dhe kur do të kemi dhe në kosovarët një regjim pa viza?
Ministri : Sigurisht çështja e Kosovës është përmendur edhe nga ana e Komisionit dhe mund të them që ka një mirëkuptim dhe predispozitë pozitive që dhe Kosova të ketë udhërrëfyesin e saj për liberalizimin e vizave. Unë uroj që kjo të ndodh sa më shpejt.
Pyetje nga një qytetar: Zoti ministër kur do të bëhet Shqipëria anëtare me të drejta të plota në BE?
Ministri : Shqipëria do të behët anëtare më të drejta të plota në momentin që do të plotësojë të gjithë standartet që kërkohen për një proces të tillë. Shqipëria është në rrugën e duhur. Kemi para sfida të mëdha, por nuk janë sfida qeverish, janë sfida të të gjithë shqiptarëve. Sa më shpejt që të kontribuojmë aq më shpejt Shqipëria do të jetë anëtare e BE.
Pyetje nga një emigrant ne Suedi: Cilat janë planet konkret që si qeveri Shqiptare do ti ndërmerrni për integrimin e vendit në BE?
Ministri : Mendoj se opinioni I fundit I Komisionit Evropian ka përcaktuar qartë veprimet që duhen kryer me qëllim që në vlerësimin e ardhshëm Komisioni ti jap Shqipërisë statusin e vendit kandidat. Këto janë bërë tashmë publike, por është i domosdoshme angazhimi i gjithë politika. Le ta trajtojmë integrimin ashtu sic e kanë trajtuar vendet e tjera, si një çështje mbarëkombëtare dhe jo si një çështje partiake. Pyetje: A keni stratregji konkrete për tërheqjen e investimeve të reja në Shqipëri?
Ministri : Çështja e investimeve konkrete në Shqipëri është një cështje komplekse me të cilën punohet cdo ditë. Rezultatet do të thoja se janë shumë të mira. Kjo ka të bëjë më klimën e biznesit dhe Shqipëria sic e dini ka marrë vlerësime nga më të lartat edhe nga Banka Botërore. “Doing business” e rendit nga vendet e para për reformat që ka ndërmarrë për të krijuar mundësi dhe lehtësi për të bërë biznes në Shqipëri. Tashmë shumica e licensave merren në një institucion të vetëm. Po kështu është reduktuar në mënyrë të jashtëzakonshmëe koha e regjistrimit të bizneseve. Nga 40 ditë që ka qënë më parë , tani është 30 minuta dhe kostoja është vetëm 1 euro. Politika fiskale, mënyra sesi tatohet biznesi, ka ndikuar në iniciativat për biznesin duke rritur investimet. E rëndësishme është gjithashtu edhe infrastruktura mbështetëse për biznesin. Rrugët janë përmiresuar ndjeshëm, furnizimi me energji. Të gjithë këto elementë janë shumë domethënës për investitorët e huaj, shto pastaj edhe faktin që Shqipëria është një vend anëtar i NATO-s. I gjithë ky kompleksitet përbën atë që shikohet me shumë kujdes nga investitorët e huaj të cilët kërkojnë të investojnë në energji, në turizëm, në infrastrukturë.
Pyetje nga nje student: Një gazetë prestigjioze “ the guardian” boton një raport ku akuzohet kryeministri i Kosovës për luftën në UCK . Cili është qëndrimi juaj për këtë aritikull? Dhe a ka gjasë që Shqipëria të implikohet indirekt në këtë çështje?
Ministri : Mendoj se publikimi i këtij raporti përbën një rast kur raporti ndërtohet pa të dhëna faktike. Raporti në vlerësimin tim është politikisht I motivuar dhe sigurisht i ka bërë një dëm shumë të madh kredibilitetit të vetë personit qe e ka hartuar. Ndjej keqardhje që personi ka gjetur një platformë shumë prestigjioze, siç është ajo Këshilit të Europës, për të bërë një paraqitje të tillë. Unë jam i gjykimit dhe i vlerësimit që kjo papërgjegjshmëri nuk mund të lihet pa u vënë re. Në gjykimin tim, ai ka kaluar çdo limit të etikës dhe të normalitetit për një parlamentar qoftë ai edhe europian.
Intervistë e ministrit të Punëve të Jashtme Edmond Haxhinasto dhënë BBC-së.
