Vlorë, 21 dhjetor, NOA – Dy të rinj janë arrestuar dje nga Policia e Vlorës pasi kanë vjedhur kabllon elektrik që furnizonte me energji Pikën e Vëzhgimit Detar në Zvërnec. Korrespodenti i Agjencisë NOA në Vlorë raporton se të arrestuarit janë nga qyteti i Fierit.
Bëhet fjalë për Aldison Shkëlqim Haxhiaj, 22 vjeç banues në lagjen “Afrim i Ri” në Fier dhe Andi Cane Gabaj, 26 vjeç banues në lagjen “24 Maji” në Vlorë.
Dy të rinj, mëngjesin e djeshëm, rreth orës 05.30 në afërsi të fshatit Zvërnec kanë kishin prerë linjën elektrike prej kabllo bakri, që furnizonte me energji elektrike pikën e vëzhgimit.
Policia ka rënë në gjurmët e tyre dhe ka arritur t’i ndaloj pas disa minutash. Më makinën me të cilën udhëtonin, tip “Benz” me targa TR 6209 ndodhej 200 m linear kabull elektrik.
Gjithashtu në makinë u gjetën edhe një palë pinca që shërbenin për prerjen e kabllit.
a.k/NOA
