Prishtinë, 22 dhjetor, NOA – Dy shtetas kosovarë të dyshuar si mashtrues të blerësve dhe përdorimin e paautorizuar të firmës, markës apo modelit të huaj janë prangosur sot rreth orës 15.00 në Prishtinë nga Drejtoria e Hetimit të krimit ekonomik të Kosovës. Policia e Kosovës bëri të ditur se të arrestuarit janë Bekim RR. dhe Veton B., të cilët punonin pranë kompanisë NTSH “ESS”.
Mësohet se dy të prangosurit kishin fituar kontratën për furnizimin me toner të Policisë së Kosovës, por tonerët që kishin sjellë kishin qenë të falsifikuar.
Të dyshuarit janë tashmë në arrest për 48 orë, ndërkohë që operacioni policor për çështjen në fjalë po vijon pasi dyshohen edhe bashkëpunëtorë të tjerë.
mit/NOA
