Tiranë, 22 Dhjetor, NOA – Të gjithë mbajtësit e numrave celularë së shpejti mund ta ndryshojnë kompaninë celulare nëse dëshirojnë, pa u detyruar t’i ndërrojnë ata.
Një fakt i tillë do të mundësohet falë nënshkrimit të marrëveshjes për portabilitetin e numrit, nga Autoriteti i Komunikimeve Elektronike dhe Postare.
Lajmi është bërë me dijeni nga ministria për Inovacionin dhe Teknologjinë e Informacionit e të Komunikimit, e cila njofton se gjatë ceremonisë përkatëse ka qenë i pranishëm vetë ministri Genc Pollo.
“Portabiliteti ose bartshmëria e numrit personal të celularit do të thotë që një klient i një operatori celular, (Vodafone, AMC, Eagle) nëse i pëlqen shërbimi i një operatori tjetër, mund të ndërrojë operatorin, duke e ruajtur numrin e tij. Pra, me portabilitetin, numri nuk do të jetë më pronë e një operatori”, - thuhet në njoftimin zyrtar të ministrisë që drejtohet nga Pollo.n.e/NOA
