Romë, 23 dhjetor NOA - Problemet mes Rosaria Cannavo dhe Christian Panuçit vazhdojnë të jenë gjithnjë e më të shpeshta. Megjithatë këtë herë ish-futbollisti, ka pohuar për mediat vendase se bëhet fjalë për një ndarje përfundimtare.
“Gjithçka mori fund pasi i pohova se nuk doja të kisha një fëmijë me të. Nuk ekzistonin bazat për të krijuar një familje”, - deklaroi Panuçi.
Pas tre vjet e gjysmë bashkëjetesë, e cila është karakterizuar nga ndarje të tjera të papritura, por gjithsesi provizore, çifti me sa duket është ndarë pikërisht për shkak të nevojës së 29-vjeçares seksi për të krijuar një familje.
Panuçi, me një martesë të dështuar pas shpatullave dhe një fëmijë nëntëvjeçar, nuk është ndjerë i gatshëm për t’i plotësuar një dëshirë të tillë, gjë e cila çoi në ndarjen përfundimtare të tyre.
r.b/NOA
