Prishtinë, 25 dhjetor, NOA-Katër serbët e arrestuar në qershor të 2009-ës do të merren për konfirmim të dëshmisë së akuzës për transplantim e trafikim organesh në Kosovë.
Më 19 janar 2011, rasti i katër serbëve të arrestuar, nën dyshimet e bazuara për blerje të deklaratave të rrema, do të rikthehet për konfirmim.
Ky vendim është marrë nga kolegji i tre gjyqtarëve të cilët e kanë sjellë çështjen për rishqyrtim, pasi sipas tyre lirimi i të dyshuarve nuk ka qenë një vendim i drejtë.
Ky lajm është bërë i ditur nga kryeprokurori i qarkut Aleksandër Lumezi, i cili ka ngritur edhe dyshime se të dyshuarit e këtij rasti kanë lidhje me raportin e shumëpërfolur të Dick Martit.
Ky vendim vjen gjithashtu si rrjedhojë e rihapjes së çështjes për trafikim organesh në Kosovë, ku tashmë është implikuar edhe Kryeministri në detyrë Hashim Thaçi.
a.y/NOA
