Romë, 27 dhjetor, NOA- Epidemia e bombave nëpër ambasadat e vendeve të tjera, në Itali duket se nuk po njeh fund.
Ekspertët italianë kanë çaktivizuar një pako bombë të dërguar për ambasadën greke në Romë.
Policia theksoi se një tjetër paketë e dyshimtë u dërgua në ambasadën venezueliane, e cila rezultoi se nuk kishte bombë.
Pajisja u gjet vetëm disa ditë pasi dy pako bomba të ngjashme u dërguan në dy ambasada të tjera në Romë.
Përgjegjësinë për rastin e parë të dërgimit të dy pakove bombë e mori një grup anarkist Italian. Nga ky aksident mbetën të plagosur dy punonjës të ambasadës.
Ndërkaq një alarm fals ka rezultuar ai i vënies së një bombe në ambasadën shqiptare në Romë.
a.y/NOA
