Moskë, 28 dhjetor, NOA - Ministria e Jashtme ruse e ka quajtur si “të papranueshme” përpjekjen e SHBA-ve për të ndikuar në gjykimin e Mikhail Khodorkovskit. Në një deklaratë, ministria i refuzoi si “të pabaza” sugjerimet se procesi gjyqësor ishte një shembull i drejtësisë selektive.
Tashmë i burgosur që nga viti 2003 për mashtrime dhe evasion fiskal, Khodorkovski dhe bashkëpunëtori i tij Platon Lebedev janë shpallur fajtorë të hënën se kanë vjedhur naftë nga kompania e tyre, ish-gjiganti i naftës Yukos, dhe kanë pastruar fonde prej miliarda dollarë.
Në reagimin ndaj verdiktit, Shtëpia e Bardhë tha se “aplikimi selektiv i ligjit” minon reputacionin e Rusisë si një shtet që është i përkushtuar për thellimin e sundimit të ligjit.
Ministri i jashtëm gjerman tha se mënyra se si është zhvilluar procesi gjyqësor shënon një “hap prapa” për rrugën e Rusisë kah modernizimi.
Raportohet se gjykatësit Viktor Danilkin do t’i duhen ditë për ta lexuar verdiktin e plotë 250 faqesh dhe të shpallë dënimin.
Prokurorët po kërkojnë edhe 6 vjet të tjera burg- që do t’i mbante të pandehurit në burg deri në vitin 2017.
NOA
