SHBA, 30 dhjetor, NOA - Është kthyer në modë këto ditë, që agjenci të ndryshme informacioni publikojnë lajmin e “vdekjes” së aktorëve të famshëm të Hollivudit. Lajme që më pas përgënjeshtrohen nga vetë aktorët në deklaratat zyrtare të të afërmve apo stafeve të tyre.
Aktori i fundit që u shpall i “vdekur” është i famshmi Eddie Murphy. Sipas disa webeve amerikane ai “ka vdekur” sot në Zvicër.
Një ditë më parë në këtë mënyrë “vdiq” Charlie Sheen dhe Adam Sandler. Njoftimet u përgënjeshtruan nga të afërm të aktorëve.
Lajmet që shokuan publikun amerikan ishin një goditje edhe më e madhe për vetë aktorët. Agjentët e aktorëve thanë se klientët e tyre po jetojnë atë që s'e ka provuar askush deri më sot, ata po shohin "vdekjen" e tyre.
Nisur nga rastet e shtuara së fundmi, Policia Amerikane ka nisur një hetim për të parë se kush fshihet pas lajmeve që dalin në faqet e internetit për “vdekjen” e aktorëve të njohur.
Por ndërsa FBI-ja nisi hetimet, po sot në webet amerikane u lajmërua dhe “vdekja” e së famshmes Aretha Franklin e Aron Carter.
a.k/NOA
