Tiranë, 31 dhjetor, NOA – Si çdo vit festat e fundvitit sjellin pak lotë gëzimi edhe për të dënuarit në burgjet tona. Por, ashtu si edhe në vitet e shkuara numri i grave të dënuara që kanë përfituar leje për për t’iu bashkuar fëmijëve të tyre në ditët e Vitit të Ri është më i vogël se ai i të dënuarve burra. Këtë vit kanë përfituar leje në bazë të ligjit 8328 “Për të drejtat dhe trajtimin e të dënuarve dhe paraburgosurve”, 27 të dënuar burra dhe 15 gra.
Edhe pse ky lloj diskriminimi është kritikuar në vitet e shkuara duket se edhe këtë vit nuk po vihet në vend, ajo që më së shumti kërkohet sot, barazia gjinore.
Drejtoria e burgjeve informon se atmosfera festive e Vitit6 të Ri ka pushtuar edhe mjediset e të 21 institucioneve të dënimit e ndëshkimit në Shqipëri.
Bëhet e ditur se në këto institucione penitenciare një numër i konsiderueshëm aktivitetesh kulturorë dhe argëtues, janë organizuar në bashkëpunim me organizata të ndryshme jo-qeveritare, të cilat operojnë në këtë sistem.
Pjesë e aktiviteteve janë bërë edhe artistë të mirënjohur të skenës shqiptare, të cilët u kanë përcjellë mesazhe shprese personave me liri të kufizuar.
Programi i institucioneve penitenciare për festat e fundvitit ka parashikuar zgjatjen e orëve të takimit me familjarët, pasurimin e menusë ditore, por edhe dhënien e lejeve për të gjitha nënat që ndodhen në IEVP, të jenë pranë fëmijëve të tyre.
mit/NOA
