Londër, 2 janar 2011 - Cilët do të jenë talentet e 2011 për futbollin? E përditshmja britanike “The Sun” i ka gjetur. Listën e kryeson sulmuesi i Santos, Neymar.
Pele i ri, siç quhet djaloshi i cili më 5 shkurt mbush 19 vjeç, ka tërhequr vëmendjen e shumë ekipeve në Europë, mjafton të përmendim Chelsea, Manchester City, Real Madrid, Milan dhe Inter.
Neymar është pjesë e përfaqësueses braziliane prej gushtit të kaluar. Santos ka vendosur një çmim të kripur për të, 30 milionë euro.
Lista e talenteve që ka përcaktuar gazeta “The Sun” vijon me belgun Romelu Lukaku dhe brazilianin Coutinho.
Dhjetë futbollistët, të cilët duhet të presim shumë në 2011 janë midis moshës 17 deri 19 vjeç. Disa prej tyre luajnë me skuadra të njohura në Europë, disa të tjerë aktivizohen ne ekipe të Amerikës së Jugut.
