Shkodër, 3 janar, NOA-Gjykata e Shkodrës dha masën e sigurisë “arrest në burg”, për 15 vjeçarin Isa Shpuza, i cili vetëm dy orë para ndërrimit të viteve vrau për gjakmarrje 30 vjeçarin Albert Dhampiraj.
Viktima u ekzekutua tek dera e shtëpisë së tij për motive gjakmarrjeje, dhe i dyshuari i vetëm është 15 vjeçari Shpuza.
Gjykata e Shkallës së Parë në Shkodër vlerësoi masën e sigurisë për të dhe bashkë me të përcaktoi edhe vendin e qëndrimit të adoleshentit, gjë që u diskutua gjatë në media për shkak të moshës së tij.
Vrasja me paramendim për motive gjakmarrje, dënohet me burgim të përjetshëm, në bazë të Kodit Penal, dhe për të nuk parashikohet asnje lloj ulje të denimit, por kur autori i veprës është një person nën moshën 16 vjec, ai merr automatikisht vetëm gjysmën e këtij dënimi.
a.y/NOA
