Berlin, 4 Janar 2011 – Nëse nuk ndalet abuzimi me lëvizjen e lirë të shtetasve të Ballkanit pas heqjes së vizave, duke kërkuar masivisht azil, regjimi i vjetër do të rikthehet. Pohimi është bërë nga Joakim Herman Ministri i brendshëm i Bavarisë në Republikën Federale të Gjermanisë, duke i përmendur shembujt e kërkimit të azilit si fakte të “keqpërdorimit të institucionit të azilit”.
Ndaj dhe ai është kërcënuar me “rivënien e regjimit të vizave, nëse kjo sjellje nuk përfundon”.
Prej vendosjes së regjimit të udhëtimit pa
viza për shtetasit e Serbisë dhe të Maqedonisë, në Gjermani janë regjistruar
disa mijëra kërkesa për azil të qytetarëve nga këto dy vende, shkruan e
përditshmja sllovene, Dello.
Sipas gazetës së cituar sot nga radio Free Europe, heqja e regjimit të vizave
për shtetasit e Shqipërisë dhe të Bosnjës, mund ta rritë këtë numër të
azilkërkuesve.
“Në 11 muajt e parë të vitit 2010, në Gjermani kanë kërkuar azil 4218 shtetas
të Serbisë dhe 2319, shtetas të Maqedonisë”, shkruan gazeta në një raport nga
Berlini, duke shtuar se numri i “kërkesave të këtilla para një viti ishte vetëm
581 përkatësisht 109”.
“Azilkërkuesit pothuajse pa përjashtim nuk i plotësojnë kushtet për azil, sepse
nuk janë të ndjekur politikisht, etnikisht ose nga aspekti i fesë”, shkruan
gazeta.
Më tutje, e përditshmja lubjanase, Dello, shkruan se shumë prej azilkërkuesve
“në vendet e tyre janë cak i mashtruesve, të cilët për para premtojnë jetë më
të mirë në Gjermani, punë ose së paku azil të përshtatshëm”.
