Prishtinë, 5 janar 2011, NOA- Komisioni Qendror i Zgjedhjeve në Kosovë ka rikthyer emrat e vëzhguesve të zgjedhjeve të 9 janarit, për rishikim të tyre.
Ky komision nuk i ka marrë ende 985 aplikacionet përfundimtare nga partitë politike, organizatat joqeveritare dhe misionet ndërkombëtare, për akreditimin e vëzhguesve në rivotimet e 9 janarit.
Ky vendim ka ardhur pasi KQZ ka gjetur në lista emra të personave të cilët në zgjedhjet e 12 dhjetorit kanë qenë anëtarë të Këshillave Komunale Zgjedhore.
Ndërkohë që të dielën e ardhshme në 9 janar mbahen zgjedhjet e pjesshme në Kosovë në komunat e Drenasit, Deçanit dhe Skënderajt, pas kontestimit të bërë nga ana e opozitës.
a.y/NOA
