Londër, 5 janar 2011, NOA- Zbulohen detajet e martesës mbretërore në Britani midis Princit William dhe të fejuarës së tij Kate Middleton.
Martesa e planifikuar të zhvillohet në 29 prill, sipas shtypit britanik mësohet se do të nisë në orën 11.00, në katedralen e Uestminsternit.
Kryepeshkopi i Uestminsterit, arqipeshkvi i Kentërbërit dhe kryefamulltari i Londrës do të jenë ata që do të mbajnë meshën e martesës mbretërore.
Pas vënies së kurorës, çifti do të shkojë në pallatin mbretëror, ku Mbretëresha e Anglisë do t’i japë bekimin Mbretit të ardhshëm përpara qindra të ftuarve.
Princi Charles i cili është edhe babai i dhëndrit do të organizojë më pas një mbrëmje private, e ndjekur nga një ballo, ku do të jenë të pranishëm vetëm miqtë e afërt dhe familjarët.
Ndërsa për kureshtarët për të parë martesën mbretërore, do të kenë mundësi për ta bërë këtë ndërsa karroca e tyre do të udhëtojë në disa prej rrugëve dhe vendeve më të populluara të Londrës.
a.y/NOA
