E shtunë, 8 janar 2011, NOA- Sekretarja amerikane e Shtetit Hillary Clinton viziton sot Gjirin Persik për të biseduar mbi programin bërthamor të Iranit.
Zyrtarët e Departamentit të Shtetit deklaruan se Sekretarja Clinton do t’i njoftojë udhëheqësit e Gjirit Persik mbi raundin tjetër të bisedimeve për çështjen e programit bërthamor me Iranin, që priten të zhvillohen me 20 janar në Stamboll.
Sekretarja Clinton do të diskutojë mbi mënyrat për të ndihmuar vendet e Gjirit Persik në respektimin më të mirë të sanksioneve të Kombeve të Bashkuara kundër Iranit.
Më tej ajo do të vizitojë Emiratet e Bashkuara Arabe, Omanin dhe Katarin.
a.y/NOA
