Prishtinë, 9 janar 2011, NOA- Përfaqësuesi i Zyrës Civile Ndërkombëtare, Peter Feith ka vizituar ditën e sotme qendrën e votimit në shkollën fillore “Rasim Kiqina” në Drenas.
Nga kjo qendër ai ka thënë se procesi zgjedhor
duhet të përmbyllet mirë, sepse kësaj radhe nuk do të tolerohen mashtrimet dhe
parregullsitë.
“Gjërat po shkojnë mjaft mirë, atmosfera është pozitive dhe punët po shkojnë në
rregull. Megjithatë dita është shumë e gjatë, kështu që ne do të përmbahemi nga
gjykimet sa i përket cilësisë së votimeve deri në rezultatet e fundit që do t’i
marrim. Unë jam siguruar që të ketë numër të mjaftueshëm të vëzhguesve dhe
mediave, në mënyrë që mos të ketë parregullsi tjera në këto komuna”, ka thënë
Feith për mediat.
Më tej, Feith ka përgëzuar institucionet e Kosovës dhe KQZ-në për përgatitjet e
mira, dhe ka uruar për një votim të mbarë e të shpejtë në Mitrovicë.
a.y/NOA
