Prishtinë, 9 Janar 2011 - Komisioni Qendror i Zgjedhjeve bëri të ditur se janë mbyllur të gjitha qendrat e votimit në pesë komunat ku është zhvilluar procesi i rivotimit. Ende nuk është përpiluar raporti preliminar për pjesëmarrjen në votime.
Shefi i ICO-së, Piter Feith, gjatë vëzhgimit
të zgjedhjeve të sotme ka thënë se nuk do të tolerohen mashtrimet dhe
parregullsitë. Ai ka thënë se procesi duhet të përmbyllet mirë.
“Porosia ime është që nuk do të tolerojmë ndonjë parregullsi ose mashtrim në
qendrat e votimit sot dhe pjesa tjetër është për nesër”, ka thënë Feith në
Drenas i cituar sonte nga radio Free Europe.
Duke parë nga afër votimet e sotme, Feith i ka lavdëruar institucionet e
Kosovës dhe KQZ-në për përgatitjet e mira, ndërsa ka shprehur qëndrimin e tij
se pret që të respektohet vendimi i gjykatës dhe të merret një vendim edhe për
Mitrovicën.
Lexoni gjithçka mbi votimet e sotme
