Gjirokastër, 10 janar, NOA – Gjatë ditëve të fundit Policia Rrugore e Gjirokastër ka shtuar masat e kontrollit për shkeljet e rregullave të qarkullimit rrugorë dhe dokumentacionet.
Në kuadër të Operacionit ‘Siguria në Komunitet”, nga ana e Njësisë Rajonale të Qarkullimit Rrugor Gjirokastër është bërë bllokimi i 23 automjeteve që qarkullonin pa dokumentacionin përkatës.
Pjesë e këtij operacioni ka qenë dhe heqja e xhamave të zinj të makinave. Sipas policisë janë hequr xhamat e zinj 31 automjeteve. Gjithashtu u është tërhequr leja e qarkullimit.
Sipas policisë janë hequr 9 leje drejtimi për shpejtësi tej normave të lejuara dhe përdorim të pijeve alkolike, si dhe janë vendosur 324 masa administrative për shkelje të ndryshme në të gjithë akset rrugore dhe qytetet që mbulon Njësia Rajonale e Qarkullimit Rrugor Gjirokastër.
a.k/NOA
