Tiranë, 12 janar 2011, NOA- Pasaportat jugosllave do të jenë të vlefshme deri në fund të vitit 2011. Ky lajm është njoftuar zyrtarisht nga Serbia dhe u konfirmua nga Zëvendësministrja e jashtme, Edit Harxhi. Gjatë një interviste për BBC-në Harxhi tha se ambasada serbe në Tiranë ka njoftuar zyrtarisht palën shqiptare për këtë vendim. Më parë Serbia kishte njoftuar se këto pasaporta kishin dalë jashtë përdorimit. Ministria Harxhi theksoi se vendimi i ri i palës serbe ka hyrë në zbatim që nga dita e martë, duke hequr pengesën për qytetarët nga Kosova dhe nga Serbia, mbajtës te pasaportave jugosllave. Ndërkohë në të dyja këto vende ish-Jugosllave kanë hyrë në fuqi edhe dokumentet e reja. a.y/ NOA
