Aktorja Teuta Krasniqi dhe këngëtari Blerim Muharremi – Blero, ndonëse muaj më herët kishin filluar jetën e përbashkët nën një kulm, ata tregojnë si e përjetuan edhe dasmën "e ëndrrave". Në mesin e familjarëve dhe miqve si dhe shumë të ftuarve të tjerë, ata edhe zyrtarisht realizuan bashkimin e tyre në një ceremoni mjaft të veçantë. Ndërsa këngëtari Blero ka rrëfyer ndjenjën që përjetoi teksa shihte përkrah nusen e tij. "Ka kohë që kur kam filluar ta shoh Teutën si nusen time. Kishte më shumë së një vit. Për atë edhe i kam kërkuar martesë. Fatmirësisht përgjigja ishte pozitive dhe që nga ajo ditë më ka bërë njeriun më të lumtur. Kurse ditën e martesës jam ndjerë perfekt dhe më i lumturi", ka thënë Blero. "Derisa e shikoja Teutën në fustan të bardhë, përfundimisht ishte një ndjenjë e veçantë dhe e papërshkrueshme, dhe se mu duk më e mira që kam parë ndonjëherë në jetën time", ka shtuar këngëtari. Në krye të ideve për dasmën e çiftit të famshëm ka qenë vetë nusja, Teuta, kurse për realizimin e tyre u kujdes kompania "Granddecor".
