Tiranë, 15 janar, NOA Update – “Do ta fitoj betejën përballë montazhit të krimit të organizuar dhe gjithë kësaj bande që synon të marrë peng institucionet dhe shtetin në vendin tonë”.
Kështu ka cilësuar ndër të tjera, gjatë fjalës që po mban aktualisht në Komitetin Drejtues Kombëtar të Lëvizjes Socialiste për Integrim, kreu i kësaj force politike, Ilir Meta.
Duke folur me nota mjaft të ashpra ndaj atij që ai e ka quajtur si bashkëpunim Rama-Prifti për publikimin e videos komprometuese ndaj tij, meta shtoi ndër të tjera edhe faktin se Rama përbën një rrezik për të gjithë qytetarët, me të tilla mënyra që ai përdor për të marrë pushtetin me dhunë.
“Nuk ka më njeri frikacak se Edi Rama dhe ai ndaj zgjedh mënyra të tilla, shantazhuese për ta marrë me çdo kusht pushtetin me dhunë, pasi nuk është i zoti ta marrë atë me votë”, tha Meta.
Duke shtuar më pas se Rama është pjesë e krimit të organizuar dhe aspak i besueshëm për qytetarët, megjithë të gjitha mundimet e tij për të goditur mazhorancën në pushtet.
“Imagjinoni çfarë mund të bëjë ky njeri nëse drejton një qeveri dhe gjithë shqiptarët”, tha lidhur me një fakt të tillë Meta ... (vijon) n.e/NOA
