Tiranë, 16 janar, NOA – Kryetari i Lëvizjes Socialiste për Integrim Ilir Meta akuzoi sot me tone të ashpra kryetarin e PS-së, Edi Rama. Ai u shpreh se Rama e ktheu PS-në në partinë e spiunëve. “Edi Rama, i cili është regjisori kryesor i montazhit dhe titrave që ka vendosur. Edi Rama, ky mjeran çimkash e ktheu PS-së, pavarësisht se i ruajti inicialet, ajo është në drejtim e tij, Partia e Spiunëve të Shqipërisë”, tha Meta. Ai u shpreh se sot është koha e dezinfektimit të politikës nga çimkat dhe spiunët. “Unë e dhashë dorëheqjen i bindur jo vetëm në integritetin tim moral politik shoqëror, por sepse nuk mund të pranojë të komunikojë me prokurorinë e gjykatat si zëvendëskryeministër dhe ministër, pra si njeri me pushtet ekzekutiv”, tha Meta në mbledhjen e LRI-së së Tiranës. Meta tha se kjo është beteja e re moralë dhe ligjore me krimin e organizuar. Duke ju drejtuar të rinjve të LRI-së së Tiranës Meta u shpreh se “në vitin 1990 të rinjtë rrëzuan regjimin e spiunëve”. a.k/NOA
