Prishtinë, 17 janar, NOA - Deputetja e Parlamentit Evropian, Ulrike Lunaçek, ka rrëfyer sërish përvojën e saj në zgjedhjet e 9 janarit. “Në këto zgjedhjet e dyta, nuk ka pasur trazira dhe përleshje të dhunshme, dhe ka pasur shumë përmirësime në organizimin, por rreth mbrëmjes gjërat ndryshuan. Frikësim (ishte kjo kohë kur u kërcënuan tre ekipet e misioneve diplomatike ndërkombëtare”, shkruan ajo në një artikull për mediat kosovare.
Ajo shprehet se pas këtyre parregullsive të shumta me fletëvotimeve mbushura, votime familjare e manipulime do të krijohet një parlament dhe një qeveri me legjitimitet të dyshimtë dhe që cenon kredibilitetin e bashkësisë ndërkombëtare.
Ajo më tej përmend thirrjen e Pieter Faith për një qeveri me duar të pastra dhe legjitime, por nuk e di si do të reagojë PDK-ja dhe partitë e tjera.
Lunaçek, i është rikthyer komenteve nga disa politikanë në Kosovë për deklaratat e saj “ se ajo nuk ka kompetencë të flasë në këtë nivel”. Eurodeputetja shkruan me bindje “se pavarësisht fjalëve, një gjë mbetet e sigurt se procesi i manipuluar, pati frikësime, ndërsa nuk u thye kultura e mosndëshkimit. Kësisoj, Kosova nuk mund të ofrojë shembull të mirë”.
NOA
