E martë, 18 janar 2011, NOA- Një konflikt brenda familjes ka ndodhur pak më parë në qytetin e Dibrës, ku babai ka plagosur të birin. Gjatë konflikteve njëri me tjetrin, atë e bir kanë qenë të nxehur, pasi shkak për këtë është bërë një çështje pronësie, duke lënë mënjanë thirrjen e gjakut, por duke ndjekur vetëm gjaknxehtësinë, babai ka qëlluar të birin e tij. Sipas korrespodentit të agjencisë së lajmeve NOA, konfirmohet se, Ymer Tanushi ka plagosur me çifte djalin e tij, duke e zgjidhur me armë “kufirin” e pronës. Mësohet se ngjarja ka ndodhur në fshatin Zallreç, ndërsa fqinjët sapo kanë dëgjuar krismën kanë njoftuar policinë e cila ka mbërritur menjëherë në vendngjarje për të sqaruar situatën. Ndërsa djali është dërguar në spital, i ati ka përfunduar në prangat e policisë. a.y/NOA
