Shkup, 19 janar 2011, NOA- Një tjetër thirrje vjen kundër ndarjes së Maqedonisë. Është kreu i BDI-së, Ali Ahmeti, ai që përsëriti qëndrimin e Shtabit të përgjithshëm të UÇK-së dhe tani BDI-së se, është kundër ndarjes së Maqedonisë. “Ne duam dhe punojmë e veprojmë që ky vend të anëtarësohet në NATO, ne duam, punojmë dhe veprojmë që ky vend të integrohen në BE dhe NATO, sepse NATO në momentin e caktuar historik për shqiptarët, ishte në anën e së drejtës. NATO ndërpreu gjenocidin dhe kaloi në anën e së drejtës së popullit shqiptarë në Maqedoni dhe përkrahu UÇK-në që luftonte për të drejtat e popullit shqiptarë”, - u shpreh kryetari i BDI-së. Më tej ai theksoi se, “Atëherë dhe sot nuk pendohem kur për këtë vendim serioz të Shtabit të Përgjithshëm të UÇK-së që s’ka ndarje të Maqedonisë dhe asaj kohe ne kemi menduar për të gjithë, sepse nuk mund të dëbohen askush nga vendet e tyre”. a.y/NOA
