Tiranë, 19 Janar, NOA – Takimet me kryeministrin Berisha, kreun e Komisionit Qendror të Zgjedhjeve Ristani e nënkryetaren Subashi si dhe me anëtarët e Kolegjit Zgjedhor, janë ato të radhës që delegacioni i misionit të ODIHR-it ka parashikuar që të zhvillojë ditën e sotme në Tiranë.
Teksa po qëndron në kryeqytetin shqiptar për një vizite 4 ditore në Tiranë, misioni i radhës së ODIHR-it ka si detyrë të bëjë një monitorim të situatës parazgjedhore në vendin tonë dhe vlerësim të përgatitjeve për zgjedhjet lokale të 8 majit.
Ndërkohë ditën e djeshme përfaqësuesit e misionit të ODIHR-it u takuan me kryetarin e Partisë Socialiste Edi Rama, me kryetarin e LSI-së Ilir Meta, me ministrin e Brendshëm Lulëzim Basha si dhe me zëvendëskryeministrin dhe njëherësh ministrin e Jashtëm Edmond Haxhinasto. n.e/NOA
