Tuniz, 20 janar, NOA – Të gjithë të burgosurit politikë në Tunizi janë liruar menjëherë pas krijimit të qeverisë së re, duke shënuar fitoren e parë të saj.
Ashtu siç edhe kishin premtuar, opozitarët e qeverisë së unitetit, sapo erdhën në fuqi, liruan të gjithë të burgosurit e regjimit të presidentit të arratisur, Ben Ali, duke përmbushur kështu premtimin e një shkëputje të plotë me të kaluarën. Ndërkaq, televizioni shtetëror në Tunizi ka raportuar se janë arrestuar 33 anëtarë të klanit të presidentit të larguar, Ben Ali.
Nën akuzën e krimeve kundër shtetit, ata duket se do të zënë në burg, vendin e ish- të burgosurve politikë.
n.e/NOA
