Tiranë, 21 janar, NOA - Forca speciale, efektivë të gardës dhe një numër mjaftë i madh policësh janë rreshtuar këto momente para godinës së Kryeministrisë, e cila është dhe objekti ku do të grumbullohen demonstruesit.
Në masat e marra për ndaljen e turmës bënë pjesë dhe rrethimi i gardhit të kryeministrisë me tel me gjemba. Përgjatë gjithë kangjellave të kësaj godine janë vendosur tela me gjemba, në mënyrë që të bëhet i vështirë kalimi i demonstruesve në një sulm të mundshme.
Armatimi që kanë me vete punonjësit e policisë janë pistoletat dhe shkopinjtë e gomës.
Ndërsa efektivat e gardës mbajnë dhe automatikët e shërbimit.
Ndërkohë që forcat speciale janë të pajisura me skafandra dhe mburoja.
a.k/NOA
