Shkup, 22 janar 2011, NOA- Zëvendëskryeministri Abdilaqim Ademi deklaroi para mediave se pret unitet të delegacionit të Maqedonisë rreth raportit të Dick Martyt.
“Unë e dij se deputetët janë takuar dhe kanë biseduar dhe se në rast se do të miratohen amandamente të caktuara, ata do të kenë qëndrim të përbashkët”, deklaroi sekretari i përgjithshëm i BDI-së, Abdilaqim Ademi.
Gjatë fjalës së tij ai nuk saktësoi, nëse është arritur marrëveshje midis grupit parlamentar të Maqedonisë që është pjesë e Këshillit të Evropës, pas paralajmërimeve nga partia e tij se do të kërkohet unitet midis të gjitha partive për të kundërshtuar raportin e raportuesit të Këshillit të Evropës Dick Marty, për akuzat e hedhura ndaj UÇK-së për trafikim me organe njerëzore.
Televizioni proqeveritar Sitel dje publikoi lajmin se delegacioni i Maqedonisë në Këshillin e Evropës do të mbështes projekt-rezolutën e deputetit zviceran, për të cilën do të votohet ditën e martë.
(INA)/ NOA
