Tiranë, 23 janar 2011, NOA- Ndërsa mbledhja e qeverisë po vazhdon, kreu i saj vijon vazhdën e risive që na presin në ditët e ardhshme.
Ai lajmëroi se ditën e sotme do të mblidhet parlamenti, për tu krijuar komisioni parlamentar, për pucin e opozitës, siç e quajti Kryeministri Berisha.
Lidhur me manifestimin e lajmëruar për ditën e mërkurë, ai tha se do të shtyhet për të shtunën në mënyrë që të bëhet më festiv dhe më i bukur, ndërsa shtoi se shkak është edhe udhëtimi i tij ditën e enjte për në Strasburg.
Në vijim kreu i ekzekutivit tha se, “Nëse për herë të dytë Kryeministrin e zgjedhur me votat e popullit dhe institucionet shtetërore do të rrezikohen, atëherë toleranca do të jetë zero”.
Ai tha se kreu i opozitës Edi Rama nuk ka asnjë shans as për zgjedhje të parakohshme dhe as për puç të dytë.
a.y/NOA
