Tiranë, 25 Janar 2011 NOA – Kryeministri Sali Berisha përgatit anulimin e manifestimit të së shtunës i paralajmëruar pas shtyrjes nga e mërkura si ditë e paracaktuar më herët.
“Do të shqyrtojmë mundësinë e anulimit të takimit të së shtunës për të mos u menduar si një lëvizje populiste ndërkohë që ajo ishte një dalje kundër dhunës, ndaj jemi duke e konsideruar këtë kërkesë, e cila është kërkesë e ambasadorit Arvizu, ambasadorëve të tjerë, por ç’është e vërteta kjo kërkesë më është bërë nga shumë shqiptarë si nga diaspora dhe këtu”, - deklaroi z.Berisha.
“Zgjedhja e të shtunës pas shtyrjes nga e mërkura nuk kishte asnjë qëllim tjetër veç dy arsyeve, e para ishte ditë pushimi dhe e dyta, sinoptika”, tha Berisha duke shpjeguar pse e kishte fiksuar për fundjavën që vjen.
Kryeministri Sali Berisha e bëri këtë pohim para pak çastesh pasi ka dalë për një konferencë të jashtëzakonshme për shtyp, e dyta e thirrur vetëm ditën e sotme.
Dalja e Berishës lidhej me deklaratat e zonjës Ina Rama në daljen e saj të parë për mediat pas demonstratës së dhunshme të 21 janarit.
Por Berisha më tepër se për Ina Ramën, doli edhe për të shprehur qëndrimin si lider i mazhorancës, mbi kërkesën e Arvizu që të shtyhet ose anulohet manifestimi i paraparë për ditën e shtunë.
e.r/NOA
Vijon...
