E shtunë, 29 janar 2011, NOA- BDI ka reaguar ashpër ndaj akuzave të PDSH-së për mospërfaqësimin në Drejtorinë e të Ardhurave Publike (DAP).
Sipas kësaj partie, në DAP këtyre ditëve pritet transferimi i 75 të punësuarve të rinj administratorë nga sektori për Marrëveshjen e Ohrit, ku në mënyrë drastike do të bëhet rritja e përfaqësimit.
“Sa i përket strukturave udhëheqëse të këtij institucion vetëm informojmë se zëvendësdrejtori i DAP është shqiptar. Po ashtu, shqiptarë është edhe zëvendësdrejtori për qytetin e Shkupit, ndërsa me Drejtorinë rajonale në Tetovë udhëheqë kuadër shqiptar ku edhe shumica e të punësuarve janë shqiptarë. Gjithashtu kemi nëndrejtor të emëruar dhe disa të tjerë janë në procedurë e sipër”, theksoi në reagim BDI, pas akuzave të hedhura sot nga PDSH e cila bëri të ditur se përfaqësimi i shqiptarëve në postet udhëheqëse në DAP është zero për qind.
a.y/NOA
