Vlorë, 2 shkurt, NOA – Forcat e policisë së Vlorës kanë arrestuar në flagrancë 24-vjeçarin Ylber Arshia, banues në fshatin Lepenicë.
Siç ato raportojnë për agjencinë e Lajmeve NOA, ndalimi i tij është bërë pasi rreth orës 12:30 të ditës së djeshme, në fshatin Gjorm të Vlorës, për motive banale, ka goditur me mjete të forta ka kërcënuar me armë gjahu dhe ka tentuar të shtypë me makinë 43-vjeçarin Jeto Matani, banues i këtij fshati.
Mbas grindjes, bëhet me dijeni se Ylber Arshia nën drejtimin e automjetit Mercedes-Benz me targë BY 692 YP është larguar me shpejtësi duke përplasur 27-vjeçarin Rushan Ajazi, 27 vjec dhe 67-vjeçarin Luftar Shenaj; që të dy banues në fshatin Gjorm.
Si pasojë e përplasjes, Luftar Shenaj ka vdekur në spitalin e Vlorës, ndërsa Rushan Ajazi ka mbetur i plagosur jashtë rrezikut për jetën.
n.e/NOA
