Nga Pirro Prifti
Ministri i jashtëm i Turqisë, Ali Babaxhan deklaroi këto ditë në Davos - Zvicër, se politika e dyerve të hapura nga ana e BE nuk ekziston më, dhe një nga temat e rëndësishme se përse Turqia nuk mund të bëhet një anëtar i BE, është “sepse BE është kthyer në një klub kristian dhe kjo në pikëpamjen tonë është shumë e rrezikshm”,- tha ai.
Turqia ka aplikuar që në 2005 për t’u bërë anëtar i Komunitetit Evropian, pikërisht atëherë kur më 12 shkurt 2005, kryeministri turk Rexhep Taip Erdogan vizitoi Shqipërinë në kohën kur ishte Fatos Nano, kryeministër dhe kur në bisedën e të dyve po ky kryeministër turk shau Heroin tonë Kombëtar Gjergj Katrioti –Skënderbeu si ‘tradhtar’.
Që pas asaj ditë, piktura e Heroi tonë kombëtar nuk gjendet më në kabinetin e kryeministrit, pikturë që Kryeministria kishte huazuar nga Galeria e Arteve duke treguar dhe njëherë servilizmin dhe mungesën e dinjitetit shqiptar jo vetë të kryeministrit të atëhershëm por edhe të kryeministrit të sotëm, i cili nuk e ka më pikturën e Heroit Kombëtar Skënderbeu në zyrën e vet, duke insiunuar që dinjiteti shqiptar nuk është ai që propagandohet, por në fakt sot është thjesht një klientelizëm politik sipas rastit: në perëndim shitemi si evropianë, por lindjes dhe Turqisë i paraqitemi si bijë të ‘dum babës’ dhe si nipër të Ali Babaxhanit që duan të lidhen me BE, por nëse Turqia heq dorë edhe ne heqim dorë. . .
Ali Babaxhan- ministër i Jashtëm dhe i ekonomisë tha në po atë samit se: “Bota Islamike është duke pritur nëse BE do të pranojë Turqinë apo jo, por politika e dyerve të hapura të BE nuk ekziston më”.
Shkaqet se përse BE nuk po i hap portat Turqisë mesa duket janë.
Problemi i bashkimit të Qipros,
Problemi i myslimanëve në BE sepse sipas Babaxhan: “Ne kemi 400.000 myslimanë në Suedi; për mua ky nuk është një bashkëpunim fetar me BE, ky është një komplet vlerash që është i hapur për të gjithë botën fetare. Ne jemi shumë në favor të hyrjes së një Turqie të reformuar brenda në BE”, -tha ai.
BE dhe disa parlamentarë të saj në PE, kanë kërkuar nga Turqia gjithashtu që të lejojë Kishën e “Shën Sofisë” të ushtrojë aktivitetin e saj si Kishë Qendrore Ortodokse- por kryeministri turk nuk ka pranuar.
BE dhe disa parlamentarë të sajë, kanë kërkuar që Turqia të mbajë një qëndrim ndaj partive islamike po ashtu dhe ndaj partisë turke në fuqi që është në fakt një parti islamike e moderuar, e cila ka lejuar deri diku gjallërimin e aktivitetit të radikalistëve islamikë.
BE ka kërkuar që të rishiten minoritetet në Turqi (vetëm shqiptarë të turqizuar ka rreth 5 milionë),
Problemi i kërkimit të faljes nga Turqia për gjenocidin ndaj armenëve më 1920.
Taip Rexhep Erdogan, ish-kryebashkiaku i Stambollit dhe gjithashtu kryetar i Partisë turke ‘Për Drejtësi dhe Zhvillim’, ka bërë burg për shkak të një poeme kundër kurdëve në 1997, me akuzën se ishte anti ligjeve Kemaliste (anti Musta Qemal Ataturkut- sepse ishte frika që mund të bëhej një islamit radikalist).
Krahas zbutjes së marrëdhënieve me Armeninë (për të cilën akuzohet se në vitet 1920 Turqia ka kryer gjenocid duke vrarë dhe dëbuar 1 milion armenë në atë kohë), Taip Erdogan ka zbutur dhe ligjet antiterror duke pakësuar fuqinë e ushtarakëve turq të cilët kishin fuqi kushtetuese nëse islamikët mundoheshin të merrni pushtetin. Bashkëpunimi i tij me ministrin e Ekonomisë dhe të Jashtme, Babaxhan lidhe pikërisht me strategjinë turke për të mbajtur afër komunitetet Islamike të Ballkanit dhe për të krijuar me to një ‘sulltanit të ri’ brenda kuadrit të BE. Kjo nuk po i ndez Taip Erdoganit kohët e fundit sepse BE po qëndron e rezervuar porsa I përket lirive dhe të drejtave të njeriut në Turqi, sidomos nda lirive fetare të krishterëve ortodoksë të cilëve u mohet realizime të riteve fetare në Kishën dominuese të Shën Sofisë e cila Ishte qendra e Kristianizmit Ortodoks në Konstandinopoja deri në momentin e pushtimit më 18 maj1453 nga Sulltan Mehmeti I II, kur ajo kthye në një muze dhe në një xhami më vonë.
Në 2007, 300. 000 njerëz dolën në demonstratë kundër Rexhep Taip Erdogan-it nga frika se nëse ai bëhej President- do të mund të vendoste ligjet Islamike në vend të ligjeve laike në Turqi. Ndoshta ky është shkaku që BE ka rezerva ndaj këtij njeriu që udhëheq një Turqi të rinovuar por mesa duket edhe hipokrite ndaj BE.
Ndryshimi i Kushtetutës nga Partia e Erdoganit ka trembur partinë opozitare pikërisht për këtë arsye, për shkak të frikës së radikalizmit islamik.
Një problem tjetër është Kish katedralja e “Shën Sofisë” sot vetëm një muzeum. Kulmet e arkitekturës bizantine dhe një nga strukturat më ikonike është Kisha e “Shën Sofisë” e ndërtuar midis viteve 532-537 e. r. E lartë 31 metër, Kisha e “Shën Sofisë” ( Hagia Sofia) mbeti një nga katedralet më të mëdha për më shumë së 1000 vjet. Deri në kompletimin e Katedrales së Sevilies, - Otomanët mbuluan mozaikët kristianë dhe shtuan elementë Islamikë. Duke përfshirë 4 minare duke konvertuat katedralen madhështore në një- Xhami.
Sot, përderisa mozaikët u zbuluan, ndërtesa u kthye në muzeum rreth vitit 1930.
Pikërisht këtu duket hipokrizia e Rexhep Taip Erdogan për sa i përket thënieve të servilit të tij Ali Babaxhan që. . ’BE është kthyer në një klub kristianësh’, sepse nëse Turqia miratoi disa ndryshime në legjislacion dhe në kushtetutë për favorizimin e ‘lirive dhe të drejtave të njeriut’ duke krijuar postin e Avokatit të Popullit (sipas rekomandimit të BE), ajo nuk ka hequr dore nga mos lënia e lirisë fetare sidomos të dhënies së kishës Shën Sofisë n përdorim të besimtarëve ortodoksë, në mos dhënien e të drejtave të minoriteteve, për problemin e kurdëve dhe atë të Qipros.
Por si janë politikat e tjera që ndjek Turqia me Ish kolonitë e saj paraluftës së parë botërore, e kryesisht me Shqipërinë, Kosovën e Bosnjën?
Vizita e Edoganit në Shqipëri, Kosovë, e Bosnjë vitet e fundit (në Kosovë para disa muajsh) është pritur me gëzim qoftë nga qeveritarët ashtu dhe nga komunitetet myslimane shqiptare dhe minoritetet turke në këto vende. Turqia shpreson të rigjallërojë lidhjet e vjetra
pavarësisht nëse do të hyjë në BE apo jo. Kësaj shprese të Turqisë i kanë dalë krah dhe politikat e SHBA ndaj Ballkanit, politika të cilat ndoshta janë të përkohshme sepse SHBA do të neutralizojë ndikimin rus në Ballkan, por sheh që edhe BE nuk e sheh të rrezikshëm një Interesim rus në të ardhmen ndaj Ballkanit. Afrimi i Turqisë me ish kolonitë ka anën e mirë por dhe atë negative për vetë vendet ballkanike ku një pjesë e popullatës është e Islamizuar ose ka minoritet turk.
Në kuadrin e lirive e të drejtave të njeriut, mbi bazën e të cilit është ngritur BE, janë Integruar dhe kërkojnë të integrohen vende të reja evropiane si Serbia. Mali I Zi, Maqedonia, por dhe vende me shumicë myslimane si Shqipëria, Kosova, dhe Bosnja.
Këtu problemi bëhet i ndërlikuar për disa arsye:
Së pari sepse BE do të integrojë jo vetëm vende evropiane, ose vende evropianë me një mentalitet krejtësisht tjetër me konceptet perëndimore për punën, jetën, shoqërinë dhe politikat. Është e vërtetë se në BE ka shumë popullsi të komunitetit mysliman dhe që llogariten në rreth 10 milion njerëz të shpërndarë në BE, por në dallim me ta këtu bëhet fjalë për shtete që vite me radhë kanë qenë jashtë Evropës ekonomikisht dhe shpirtërisht.
Së dyti, në Shqipëri për gati 100 vite rresht (që pas pavarësisë më 1912), kanë komanduar Individë nga oxhaqe të mëdha me qëndrim pro turk, ose individë ateistë krejtësisht antiperëndimorë, dhe asnjëherë vendi nuk është drejtuar nga të krishterët. Po kështu dhe në Bosnjë e Kosovë tashti.
Këtu nuk bëhet fjalë për individin, se për klanin që ky individ përfaqëson dhe shpërndan të mirat. Këta tipa individësh asgjë nuk i kanë dhënë Shqipërisë përveçse grindjeve, kryengritjeve, demonstratave, tradhtive, etj, etj. Aq e vërtetë është kjo sa një miku im ka shprehur një sentencë si kjo për individët që kanë qeverisur e qeverisin Shqipërinë: "Njerëzit e mëdhenj flasin për ide, njerëzit e mesëm flasin për ngjarjet, njerëzit e vegjël flasin për të tjerët- e kush janë ata njerëz të mëdhenj që me idetë e tyre e kanë bërë mut këtë vend?”. Pa koment pra.
Së treti, interesat turke në Ballkan janë po ato interesa të ish- sulltanëve që thoshin: “përdorini këto koloni si treg, rripini, vidhini, vritini, përdorini si mercenarë, dhe le të jenë të nënshtruar ndaj nesh’. Një Turqi koloniale por me mentalitet ende mesjetar, pavarësisht përparimit ekonomik deri diku. E ç’të ardhme do të ketë Shqipëria e Kosova në këtë afrim? Asnjë përveçse largimit nga BE.
Së katërti, individë nga komunitetet myslimane do ta përdorin këtë afrim e do ta argumentojnë si një ‘afrim ndaj Babës’ dhe do ta detyrojnë vendin tonë dhe Kosovën që të shohim përsëri prapa njëlloj siç e sheh dashnorja ish-të dashurin- nuk ia prish dot. Edhe në këtë aspekt, asgjë të mirë nuk do të shohë Shqipëria përveç se prapambetje ekonomike dhe shpirtërore.
Mendoj se rruga e Shqipërisë është Integrimi sa më parë më BE, jo vetëm për tu përforcuar nga ana ekonomike dhe financiare duke u përfshirë në globalizëm, por dhe për të larguar një klasë hipokrite politikanësh të cilët kanë 20 vjet që e rrjepin këtë vend dhe po e përdorin njëlloj sikur pashallarët turq, apo si pashallarët e kuq të komunizmit (ashtu po veprojnë pashallarët blu të pas viteve 90), e për të ndihmuar shtetin shqiptar të bëhet një shtet i vërtetë evropian.
Nëse do të vazhdojmë të mbështetemi tek BE dhe SHBA, duhet ta bëjmë me besim dhe jo me djallëzitë e kripto-komunistëve apo pseu-nacionalistëve. Është e vërtetë që një Shqipëri e madhe do të jetë dinjitoze, por kjo mund të realizohet nëse bien dakord BE dhe SHBA. Rëndësi ka në ditët e sotme, të drejtat dhe liritë e njeriut, drejtimi i shtetit shqiptar në mënyrë proporcionale dhe me rotacion me përfaqësues nga të tre komunitetet më të mëdha fetare dhe jo nga politikanë rrugësh. Vetëm kështu tolerance fetare do të jetë reale. Vetëm kështu, shqiptarët do të kenë shpresë. Strategjitë e tipit Koço Danaj nuk kanë vlerë dhe janë utopike, sepse në radhë të parë do të destabilizojnë Ballkanin nëse realizohen sepse vënë në plan të parë nacionalizmin, sepse edhe sikur të ketë nacionalizëm shqiptar, përpara këtij nacionalizmi do të jenë individët radikalistë që do të dëmtojnë çdo gjë progresiste. Le t’ia lëmë BE dhe SHBA fatin e Shqipërisë, por kemi për detyrë të njoftojmë mikun tonë të madh SHBA dhe BE- se ç’po ndodh në Shqipëri nga kjo klasë politike për 20 vjet rresht, e cila nuk po lë asnjë rast pa shkelur ligjet e pa dëmtuar shoqërinë shqiptare ekonomikisht, nga ana sociale, por dhe po vret vazhdimisht shpresën e shqiptarëve sepse për flamur kjo klasë politike nuk ka as flamurin kombëtar e as flamurin e BE, por flamurin me tri variante të ngjyrës së zezë në të cilën shkruhet:
papunësi+ varfëri+korrupsion.
Ky është flamuri me të cilin klasa e degjeneruar politike shqiptare, po fiton vazhdimisht
Pushtet + para, duke luajtur rolin e hipokritit me BE dhe SHBA.
*Titulli i origjinalit: “A është kthyer BE në një klub të krishterësh, dhe roli i Turqisë ndaj
Shqipërisë dhe Ballkanit”
** Dërguar nga autori. Pikëpamjet e autorëve janë qëndrime personale dhe nuk prezantojnë domosdoshmërisht qëndrim redaksional të NOA
