Tiranë, 2 shkurt, NOA – Këshilltari Juridik i Presidentit dhe ish-deputeti i Kuvendit, Spiro Peçi ka reaguar sot në lidhje me ngritjen e komisionit hetimor, për ngjarjet e datës 21 janar nga mazhoranca.
Në një deklaratë për mediat, Peçi tha se komisioni është i jashtëligjshëm. Ai u ndal në kërkesat për tabulatet telefonike të deputetëve dhe drejtuesve të shtetit. “Ligjet mbrojnë privatësinë, komisioni nuk mund të marrë atributet e prokurorisë”, tha sot Peçi.
Ai hodhi poshtë dhe mundësinë që Presidenti i vendit, Bamir Topi të jet i pranishëm për të dëshmuar në këtë komision. Peçi u shpreh se “komisioni nuk mund të thërrasë presidentin” dhe se një pjesë e procedurës së tij është në shkelje me ligjin.
“Presidenti e ushtron veprimtarin në bazë të ligjit dhe Kushtetutës. Presidenti nuk mund të thirret siç e kërkon komisioni”, tha ai.
a.k/NOA
