Tiranë, 9 shkurt 2011, NOA- (Update) Në vijim të fjalës së tij gjatë mbledhjes së qeverisë, Kryeministri Berisha përmendi një varg projektesh që do të kthehen në realitet së shpejti.
“U premtua nga qeveria ngritja e Teatrit të Komedisë, dhe sot qeveria vendos ngritjen e këtij teatri si një vendosmëri për të mbështetur fuqishëm komedinë Shqiptare, Satirën Shqiptare”, u shpreh Kryeministri.
Sipas tij teatri do të bëhet një promotor i fuqishëm i zhvillimit të kësaj gjinie themelore për veprat me rëndësi të madhe skenike.
Më tej kreu i ekzekutivit shtoi se, “Ministrit i është kërkuar që të sjellë në qeveri vendimin për Cirkun Kombëtar, pasi qeveria është e vendosur që Cirkun ta shndërrojë në një institucion kombëtar, pasi ai i ka artistët të talentuar”.
Një tjetër vëmendje tha ai do i kushtohet edhe Ansamblit të Këngës dhe Valleve Popullore, duke vijuar: “Ne nuk do pranojmë që të humbasim asnjë nga pasuritë e pasura kulturore që kemi, prandaj ato do të kenë gjithë vëmendjen tonë në investime.
a.y/NOA
