Prishtinë, 10 shkurt 2011, NOA- Deputeti i Lëvizjes “Vetëvendosja” , Liburn Aliu, ka deklaruar se të zgjedhurit e kësaj partie nuk do ti djegin mandatet e tyre.
“Janë thjesht procedura teknike, që i kemi kryer edhe më herët, kur jemi certifikuar dhe kur kemi marrë vendim për të hyrë në zgjedhje. Në asnjë mënyrë nuk do të rrezikojmë mandatet në Parlament, sepse hyrja në të është një mjet tjetër për të realizuar qëllimin tonë”, ka thënë Aliu.
Ndërsa sekretaria e Kuvendit të Kosovës ka paralajmëruar se deputetëve të “Vetëvendosjes” mund të merren mandatet nëse nuk bëjnë betimin.
Por pavarësisht kësaj, Aliu ka shtuar se kjo parti nuk do të ndalojë organizimet e protestave në rrugë.
a.y/NOA
