E premte, 11 shkurt 2011, NOA- Pep Guardiola, trajneri i ekipit të futbollit të Barcelonës, ka komentuar rinovimin e kontratës së tij.
“Ju nuk mund të jetoni nga e kaluara, më është dashur të shoh nëse kemi mbajtur forcën dhe pasionin, ndërsa lojtarët janë përgjigjur pozitivisht, prandaj jam këtu. Ne jemi në finale të Kupës, jemi liderë në La Liga dhe po shkojmë drejt fundit të sezonit, nuk ka pasur arsye pse të mos rinovoj”.
Më tej ai është shprehur se, “Tani duhet të jemi vigjilentë dhe të mos bëjmë gabime. Tani të gjithë janë të kënaqur. Pas katër viteve ne do të jemi më pranë fundit se sa fillimit, por varet nga dëshira jonë për të vazhduar lojën e mirë”.
a.y/NOA
