Athinë, 12 shkurt 2011, NOA- Greqia ka reaguar me zemërim ndaj thirrjeve të donatorëve ndërkombëtarë për përshpejtimin e reformave ekonomike.
Zëdhënësi i Ministrisë greke të Punëve të Jashtme akuzoi zyrtarët e BE-së dhe FMN-së që po vizitojnë Athinën për ndërhyrje në punët e brendshme të vendit.
Ndërkohë ditën e premte zyrtarët ndërkombëtarë bën thirrje për privatizimin e një pjesë të pasurisë shtetërore me vlerë 70 miliard dollarë, për të ndihmuar në uljen e borxhit të Greqisë.
Paketa e shpëtimit të ekonomisë greke është mbi 150 miliard dollarë dhe po mbikqyret me vëmendje nga donatorët e saj.
a.y/NOA
