Tiranë, 14 shkurt, NOA - Një prej politikanëve të opozitës që është akuzuar më tepër nga mazhoranca për nxitje të demonstratës së dhunshme, Spartak Ngjela, është paraqitur sot në Prokurorinë e Tiranës.
Kryetari i Partisë Ligj dhe Drejtësi është parë të hyjë paraditen e sotme në Prokurorinë e Tiranës, ku do të merret në pyetje nga grupi i prokurorëve që po heton ngjarjen e 21 janarit.
Në deklaratat që ka bërë Ngjela janë të shumta shprehjet ku ka folur për “reagim nga populli si në Dukat”, për vdekjen “edhe të 13 mijë vetave për kauzën e opozitës”, edhe mjaft deklarata të tjera, në të cilat përfaqësuesit e mazhorancës mendojnë se është bërë thirrje për dhunë.
a.k/NOA
