Kajro, 16 shkurt, NOA – Kishte shkuar për të ndjekur nga afër se çfarë ndodhte në sheshin Tahrir të Kajros, ditët e protestave të dhunshme, por gazetarja amerikane e ka pësuar më keq nga sa mund ta mendonte.
Lara Logan, gazetarja e stacionit televiziv amerikan, CBS, ndërsa ndodhej në mes të turmës së protestuesve në Kajro, është rrethuar nga mëse 200 persona të cilët kanë nisur ta godasin dhe ta përdhunojnë në grup.
Eshtë dashur ndërhyrja e grave dhe e ushtrisë egjiptiane që ka arritut t’i shpëtojë jetën gazetares së CBS, e cila menjëherë më pas është nisur me një avion drejt Shteteve të Bashkuara të Amerikës.
Ajo ndodhet atje tashmë në spital duke marrë mjekimet e nevojshme dhe për fat të mirë, jashtë rrezikut për jetën.
n.e/NOA
