Patos, 16 shkurt, NOA - Një zënkë mes disa të rinjve në qytetin e Patosit është kthyer në një sherr masiv. Korrespodenti i Agjencisë NOA raporton se pak minuta më parë në një prej rrugëve kryesore të qytetit ka ndodhur përplasja e dy grupi të rinjsh.
Si pasojë e sherri ka mbetur i plagosur Endri Babaliu, 20 vjeç. Babaliu është qëlluar me thikë gjatë sherrit dhe raportohet se është në gjendje kritike për jetën.
Ai është dërguar menjëherë në spitalin e këtij qytetit ku po i jepet edhe ndihma e parë.
Ndërkohë policia ka arrestuar disa prej të rinjve duke u përpjekur të gjejë dhe autorin e plagosjes, si dhe arsyet që sollën përplasjen e dhunshme të të rinjve.
a.k.NOA
