E shtunë, 19 shkurt 2011, NOA- Futbollisti me famë botërore, Pele shprehu rezerva ndaj Botërorit që pritet të mbahet në Brazil.
“Shtyrja e punimeve është një gjë tejet brengosëse. Të gjithë e dinë se sa shumë kemi luftuar për ta fituar kandidaturën dhe Lojërat Olimpike, Brazili 2016. Ne kemi shkuar anë e mbanë botës për të kërkuar vota dhe tani jemi në një pozitë brengosëse për të gjithë që kanë punuar në atë projekt. Brazili e ka për obligim pritjen me sukses të Kampionatit Botëror. Çështja kryesore mbetet telekomunikimi, por edhe aeroportet janë problem, jo vetëm për njerëzit brenda, por edhe për ata jashtë Brazilit”, deklaroi futbollisti Brazilian.
Më tej ai shtoi se , “Brazili po rrezikon që ta përqeshë veten me mënyrën se si po e menaxhon Kampionatin Botëror”.
a.y/NOA
