Kabul, 20 shkurt 2011, NOA - Presidenti afgan Hamit Karzai deklaroi sot se forcat e NATO-s në Afganistan vranë 50 civilë gjatë një operacioni në lindje të rajonit Kunar.“Rreth 50 qytetarë u vranë gjatë operacionit të forcave shumëkombëshe, në zonën Jaziabad në rajonin Kunar”, thekson në deklaratën e tij Presidenti Karzai, i cili u referohet burimeve nga Shërbimet e Sigurisë Kombëtare Afgane.
Karzai ka dënuar ashpër vrasjen e 50 civilëve nga operacionet e NATO-s dhe bombardimet e forcave shumëkombëshe, ndërsa dërgoi një përfaqësi qeveritare në krahinën Kunar, për tu informuar rreth kësaj ngjarjeje.
Ndërkaq forcat e NATO-s në Afganistan janë shprehur përmes një deklarate se po hetojnë mbi shqetësimet e qeverisë afgane lidhur me vrasjen e 50 civilëve.
mit/NOA
