Korçë, 22 shkurt, NOA – Një gjysh i dëshpëruar është drejtuar në organet e policisë për të denoncuar nipin e tij për ushtrim dhune në familje.
Ngjarja ka ndodhur në Komisariatin e Policisë në Korçë, ku siç raportohet për agjencinë e Lajmeve NOA, ka qenë 72-vjeçari me inicialet Dh.P. banuesë në lagjen 11 të këtij qyteti, që ka paditur nipin e tij.
Kjo me pretendimin se ai ka ushtruar dhunë psikologjike dhe veprime të tjera ndaj tij, të cilat i bën në gjendje të dehur.
Nipi mësohet se është 31-vjeçari Nikolin Dhima, ndërsa ndaj gjyshit të tij u plotësua kërkesë-padia për Urdhrin e Menjëhershëm të Mbrojtjes bazuar në ligjin për “Masat ndaj dhunës në familje”.
Materialet i kaluan gjykatës së Korçës për veprime të mëtejshme.
n.e/NOA
