SHBA, 23 Shkurt NOA - Viti 2010 ka regjistruar numrin më të ulët të aksidenteve në historinë e aviacionit. Këtë e konfirmon IATA (shoqëria ndërkombëtare e transportit ajror) duke nënvizuar që “avioni mbetet mjeti më i sigurt i transportit”. Norma globale e aksidenteve ajrore në çdo 1 milion fluturime ishte rreth 0.61, që do të thotë një aksident në çdo 1.6 milion fluturime.
Bëhet fjalë, shpjegon IATA, për një përmirësim të ndjeshëm në krahasim me shifrën 0.71 të regjistruar në vitin 2009 (një aksident në çdo 1.4 milion fluturime) apo me shifrën 0.65 të regjistruar në vitin 2006. Në 10 vitet e fundit norma e aksidenteve ajrore është reduktuar me 42 %.
r.b/NOA
