Shkup, 24 shkurt 2011, NOA- Dorëheqja e djeshme e Kryetarit të Komisionit Qendror Zgjedhor, Aleksandar Novakovski te Demokracia e Re edhe më tepër ka forcuar bindjen se në prapaskenë qëndrojnë manipulimet e mundshme me listën zgjedhore për të cilën ditë më parë Ministria e Punëve të Brendshme dhe Ministria e Drejtësisë kishin deklaruar bashkë me ish-Kryetarin e KQZ-së, Novakovski se e njëjta është e pastruar nga votuesit fiktiv.
“Fakti që vetëm para disa javëve vlerësimet ishin se gati 200 mijë votues janë fiktiv dhe të cilët përsëriten në të gjitha ciklet zgjedhore, ndërsa para disa ditëve dalin se kanë qenë vetëm 15 mijë votues fiktiv na detyron të dyshojmë se pushteti pregatit skenar të keqpërdorimit të mundshëm të këtyre votuesve fiktiv”, vlerëson DR.
Dorëheqja e djeshme e z. Novakovski sipas këtij subjekti politik vetëm rrit dyshimet e tyre në drejtim të përgatitjes së keqpërdorimeve të mundshme zgjedhore nga ana e pushtetit.
(INA)/ NOA
