Tiranë, 24 shkurt 2011, NOA- Pak minuta më parë përfundoi takimi mes Zëvendës Ndihmës Sekretarit Amerikan të Shtetit për Çështjet Evropiane dhe Euroaziatike Thomas Countryman dhe kreut të opozitës Edi Rama.
Takimi i cili mësohet të ketë zgjatur rreth 1 orë e gjysëm është zhvilluar në bashkinë e Tiranës.
Ky takim u zhvillua lidhur me situatën politike në të cilën ndodhet vendi që pas demonstratës të 21 janarit.
Më herët mes Zëvendës Ndihmës Sekretari Amerikan të Shtetit u takua edhe me ministrin e Jashtëm Edmond Haxhinasto dhe me ministrin e Brendshëm Lulëzim Basha.
Në vijimësi Bashkimi Europian dhe SHBA kanë shprehur shqetësim për krizën politike në Shqipëri. Kjo është vizita e dytë brenda pak kohësh e Thomas Countryman.
a.y/NOA
